नेपाली फिल्ममा ज्याकी, डेनी र गुल्शन

स्मृति ढुंगाना, काठमाडौं, मंसिर ५- बलिउडका कलाकार ज्याकी श्राफ, डेनी डेङजोङ्पा र गुल्शन ग्रोभरले एकसाथ नेपाली फिल्म खेल्ने भएका छन्। आफूले समेत अभिनय गर्ने उक्त फिल्मको नाम भने तय नभएको जानकारी अभिनेत्री मनीषा कोइरालाले दिएकी छिन्।
'गुल्शन नेपालमा लगानी गर्न इच्छुक छन्,' सम्भावित लगानीकर्ताको समेत संकेत गर्दै अभिनेत्री मनीषाले शनिबार नागरिकलाई भनिन्। भर्खर बलिउडका दुई फिल्म सिध्याएकी मनीषाका अनुसार अहिले उनी त्यही नेपाली फिल्मको स्क्रिप्टमा व्यस्त छिन्। आगामी माघ र फागुन महिनाताका काठमाडौं र पोखरामा यसको सुटिङ हुने उनले बताइन्।
  फिल्ममा अंग्रेजी सबटाइटल रहने छ। नेपाली जनजीवनमा आधारित रहने फिल्मलाई अन्तर्राष्ट्रिय महोत्सवका निम्ति तयार पारिने दावी समेत उनले दिइन्। 'कुनै पनि फिल्म राम्रो हुन स्क्रिप्टले मूख्य भूमिका खेल्छ,' उनले भनिन्, 'पैसा र निर्देशकको सिर्जनात्मक सीप त्यसपछि मात्रै जरुरी पर्ने हो।'
नेपाली फिल्ममा अभिनेता राजेश हमालको काम गराइबाट आफू प्रभावित भएको पनि उनले खुलाइन्।
आफ्ना पुराना बलिउडका सहकर्मीले नेपाली फिल्म खेल्ने कुराले मनिषा खुसी छिन्। 'नेपालभित्रै फिल्मको बजार सानो छ,' उनले थपिन्, 'तर मेरो फिल्मले विश्व बजारसँग प्रतिस्पर्धा गर्ने छ।'
अभिनेता ज्याकीले आफूसँग धेरै पहिलेदेखि नेपाली फिल्म खेल्ने इच्छा व्यक्त गरे पनि आफूले केही गर्न नसकेको उनले बताइन्। 'मेरो बिहेका बेला गुल्शन पहिलोपटक नेपाल आएको र त्यसैबेला यो ठाउँसँग प्रभावित भएर इच्छा व्यक्त गरेको होला भन्ने मलाई लाग्छ,' उनले अगाडि भनिन्, 'यी पुराना साथीसँग त्यो पनि नेपाली फिल्ममा काम गर्नेछु भनेर मैले सोचेकी पनि थिइनँ।'

मनीषाका अनुसार यसमा केही नेपाली कलाकार समेत समेट्ने योजना छ। तर, अझैसम्म नेपाली कलाकारको सूची तयार भइसकेको छैन। कुराकानीको क्रममा मनीषाले भर्खरै मुम्बई पुगेर गरेको कामको चर्चा पनि गरिन्। अभिनेता श्यामाप्रसादको फिल्म 'इलेक्ट्रा'मा नेसनल अवार्ड विजेता प्रकाश राजसँग काम गरेको उनले जानकारी दिइन्। यो फिल्म ग्रिक नाटकमा आधारित रहेको उनले बताइन्।
धेरै तामिल फिल्म खेलिसकेकी मनीषाको यो पहिलो मलयालम फिल्म हो। उनको अर्को फिल्म 'दो पैसे की धूप, चार आने की वारिसेँ'को निर्देशन अभिनेत्री दीप्ति नवलले गरेकी हुन्। पहिला माधुरी दीक्षितलाई लिने कुरा भए पनि पछि उनलाई फिल्ममा लिइएको हो। साथीको फिल्म भएकोले उनालाई यसमा काम गर्दा रमाइलो लागेको रहेछ। यसमा उनलाई रञ्जित कपुरले साथ दिएका छन्। 'यो फिल्ममा काम गर्नु भनेको राम्रो फिल्म छनोट गर्नु सरह हो। मेरो निकट साथी दीप्तिसँगै काम गर्नु त सपना पूरा भएझैँ लाग्दैछ,' उनले भनिन्।

Recent Posts

Loading...
दैनिक
रेडियो/ टेलिभिजन कान्तिपुर एफ. एम. बीबीसी नेपाली सेवा चाइना रेडियो रेडियो दोभान रेडियो नेपाल रेडियो सगरमाथा हिट्स एफ. एम. सगरमाथा टेलिभिजन एभिन्यूज टिभी हिमाली स्वरहरू व्रिटिस गोर्खा रेडियो उज्यालो राष्ट्रिय नेटवर्क एसबीएस रेडियो - नेपाल एबीसी समाचार

साप्ताहिक
अन्य उपयोगी वेबसाईटहरू नेपाल अमेरिका पत्रकार संघ मेरो संसार शब्दाङकुर साहित्यीक समकालीन साहित्य खसखस कमिटी टु प्रोटेक्ट जर्नालिष्टस् गोरखा न्यूज सेब्स साझा.कम काठमाण्डू न्यूजलाईन नेपाली साहित्य मञ्च नेपाल होराईजन्स साँझको समाचार नेपाली न्यूज यूएसए हालखबर अनलाईन अनलाईन खबर प्रेस नेपाल नेपाली कला साहित्य डिसी नेपाल दौंतरी फुलबारी

मेरो कन्ट्रोल प्यानल

New Post | Settings | Template Designer | Design | Edit HTML | Fonts and Colors | Moderate Comments | Sign Out