'फिल्म मेकिङ पढ्ने पहिल्यैदेखिको उद्देश्य थियो' उनले भनिन् 'फर्किएर नेपालमै काम गर्ने सोचमा छु । किनभने यहाँ प्राविधिक फिल्डमा महिलाहरुको अभाव छ ।' अहिलेका लागि कर्मथलो नेपाललाई नै बनाउने भएपनि भविष्यको भने निश्चित नभएको उनको ठम्याइ छ । हालैदेखि प्रसारणमा आएको टेलिभिजन च्यानल टिभी फिल्मीकी क्रीएटिभ डिरेक्टरसमेत रहेकी निशा सिनेमा अध्ययनपछि मात्र अपकमिङ प्रोजेक्टहरु गर्न चाहन्छिन् ।
अघिल्लो साता सांस्कृतिक कार्यक्रमको सिलसिलामा कतारबाट स्वदेश फर्किएकी यी बालाले अमेरिकाबाट फर्किएपछि केही प्रोजेक्टहरुमा काम गर्दैछिन् यद्यपी साइन चाहिँ गरिसकेकी छैनन् । 'एज अ एक्ट्रेस कुराहरु मात्र भैरहेको हो' भन्छिन् 'निश्चित भैसकेको छैन ।' उनी अभिनित चलचित्र 'फस्टलभ'ले राम्रो रिभ्यू बटुलेको थियो ।
