हिस्स पर्छन् दर्शक

काठमाडौ, मंसिर २३ - लामो समयको अन्तरालपछि ठूलो पर्दामा एकसाथ देखिने भएपछि हास्यव्यंग्यजगत्का आदर्श जोडी मदनकृष्ण श्रेष्ठ र हरिवंश आचार्य (मह) का फ्यानहरू 'हाँसिदेऊ एक फेर' का लागि व्यग्र थिए । उक्त फिल्म हेरेपछि भने दर्शकहरूको अपेक्षामा तुषारापात भएको छ ।
टेलिसिरियलमा सफल महलाई निर्देशक शिव रेग्मीले सदुपयोग गर्न सकेका छैनन् । विषयवस्तु गम्भीर हुँदाहुँदै कमजोर छायांकन र सम्पादनले फिल्मलाई फितलो बनाइदिएको छ । फिल्ममा गाडी दुर्घटनामा बाबुआमा गुमाएको भान्जालाई मामाले दिएको माया र साथ एकातिर देखाउन खोजिएको छ भने अर्कातिर धनसम्पत्तिमा लिप्त छोराले आमाबाबुलाई गरेको हेलालाई भावनात्मक रूपमा प्रस्तुत गर्ने प्रयास गरिएको छ ।

सबैको भलो चिताउने सोझो र सरल हिसाबले जिन्दगीको अर्थ बुझेको मामाको भूमिकामा देखिएका हरिवंश फिल्मको केन्द्रमा छन् । दुःखजिलो गरी हुर्काएको छोरो पछि धनवान् भएपछि उसको बेवास्तामा परेका आमाबाबुको भूमिकामा मिथिला शर्मा र मदनकृष्ण सहायक पात्रका रूपमा देखिएका छन् ।
फिल्ममा हाँसो, रोदन र प्रेमका सबै मसला प्रयोग गरिएको भए पनि पटकथाको अन्तर्सम्बन्ध गठिलो बन्न नसकेकाले 'हाँसिदेऊ एक फेर' का दृश्यहरू एल्बममा तस्बिर पल्टाए जसरी फटाफट फेरिइरहन्छन् । कथालाई विकसित गर्न देखाइने घटनाहरू पनि खासै यथार्थपरक र सहज लाग्दैनन् ।
फिल्मको सबल पक्ष भनेको संवाद हो । एकाध गीतबाहेक सुरेश अधिकारीको संगीत कर्णपि्रय बन्न सकेको छैन । नृत्यमा वसन्त श्रेष्ठको काम कामचलाउ छ । अधिकांश दृश्य र घटना वास्तविकताको नजिक हुनबाट चुक्दा दर्शकले धेरै ठाउँमा प्रश्न उठाउन
सक्छन् । जवाफ फिल्मको अन्त्यसम्म पनि पाउन नसक्दा निराश बन्न सक्छन् । प्रदर्शनपूर्व नै फिल्मका एक पात्र मदनकृष्णले दर्शकहरूलाई ठूलो आशा राखेर हेर्न नआइदिन गरेको आग्रहले पनि महको स्तरअनुसारको फिल्म बन्न नसकेको पुष्टि भएको छ ।
सामाजिक विषयमा हास्यरस मिसाएर रचनात्मक व्यंग्य गर्न सिपालु मानिएका महले प्रमुख भूमिकामा खेलेकैले पनि फिल्मले एक फेर हाँस्न गरेको आग्रह थोरै हुने अनुमान गरेका दर्शक फिल्म हेरेपछि हाँसो न आँसु हुन्छन् । शीर्षक त दर्शकका लागि राखे जस्तो पो लाग्छ । बहुप्रतीक्षित मानिएको 'हाँसिदेऊ एक फेर' अनपेक्षित रूपमा कमसल बनेकैले हलहरूमा एक साताभन्दा बढी टिक्न मुस्किल पर्ने देखिन्छ ।

Recent Posts

Loading...
दैनिक
रेडियो/ टेलिभिजन कान्तिपुर एफ. एम. बीबीसी नेपाली सेवा चाइना रेडियो रेडियो दोभान रेडियो नेपाल रेडियो सगरमाथा हिट्स एफ. एम. सगरमाथा टेलिभिजन एभिन्यूज टिभी हिमाली स्वरहरू व्रिटिस गोर्खा रेडियो उज्यालो राष्ट्रिय नेटवर्क एसबीएस रेडियो - नेपाल एबीसी समाचार

साप्ताहिक
अन्य उपयोगी वेबसाईटहरू नेपाल अमेरिका पत्रकार संघ मेरो संसार शब्दाङकुर साहित्यीक समकालीन साहित्य खसखस कमिटी टु प्रोटेक्ट जर्नालिष्टस् गोरखा न्यूज सेब्स साझा.कम काठमाण्डू न्यूजलाईन नेपाली साहित्य मञ्च नेपाल होराईजन्स साँझको समाचार नेपाली न्यूज यूएसए हालखबर अनलाईन अनलाईन खबर प्रेस नेपाल नेपाली कला साहित्य डिसी नेपाल दौंतरी फुलबारी

मेरो कन्ट्रोल प्यानल

New Post | Settings | Template Designer | Design | Edit HTML | Fonts and Colors | Moderate Comments | Sign Out