विश्वविद्यालय र क्याम्पसलाई ब्यारेकमा परिणत गर्ने दाहालको चेतावनी

काठमाडौं, मंसिर २४ - माओवादी अध्यक्ष पुष्पकमल दाहालले जनताको उपलब्धिविरुद्ध प्रतिक्रान्तिकारीका षड्यन्त्र अझै रहिरहे विश्वविद्यालय र क्याम्पसलाई 'ब्यारेक'मा परिणत गर्ने चेतावनी दिएका छन् ।
दाहालले विश्वविद्यालय र क्याम्पसलाई ब्यारेकमा परिणत गरेर नेपाली क्रान्तिलाई निर्णायक मोडमा पुर्‍याउने दाबी गरे । 'जुन षड्यन्त्र अहिले प्रतिक्रान्तिकारीबाट भएको छ, त्यो षड्यन्त्र अझै तीब्र र घनिभूत हुने हो भने हाम्रा सवै विश्वविद्यालयहरु, क्याम्पसहरु एउटा व्यारेकमा परिणत हुन जरुरी छ,' शुक्रबार कीर्तिपुरमा अनेरास्ववियु (क्रान्तिकारी)को सम्मेलन उदघाटन गर्दै दाहालले भने, 'जसले अन्तिमरुपमा प्रहार गर्न सकोस् र नेपाली क्रान्तिलाई निर्णायक मोडमा पुर्‍याउन सकियोस् ।'
दाहालले युवा विद्यार्थीहरु फौजीकृतरुपमा अगाडि नआउने हो भने प्रतिक्रान्तिकारीहरुले मुलुकलाई धरापमा पार्ने दाबी गरे । 'म तपाईंहरुलाई जरुरी पर्नेवित्तिकै सवै यूनिभर्सिटी व्यारेकमा परिणत हुन र विद्यार्थीहरु फौजमा परिणत हुन तम्तयार हुन आव्हान गर्दछु,' दाहालले भने ।

नेपाली क्रान्तिमा तुषारापात हुन नदिने उल्लेख गर्दै दाहालले क्रान्तिको आफ्नो दलले नयाँ मोडेल दिने बताए । उनले नेपाली क्रान्तिको उपलब्धी अपहरण गर्न देशभित्र र बाहिरका शक्तिहरुले षड्यन्त्र सुरु गरेको जिकिर गरे ।
दाहालले गोरखाको पालुङटारमा भएको छैटौं विस्तारित बैठककाक्रममा परिवर्तनलाई रोक्न खोज्ने शक्तिहरुले माओवादीलाई फुटाउन र कमजोर पार्न निकै ठूलो मिहिनेत गरेको आरोप लगाए । विस्तारित बैठकमा नेतृत्वका लागि तछाँडमछाड नगरेको दाबी गर्दै दाहालले ७ हजारले ७ दिनसम्म नेपाली क्रान्ति पूरा गर्न लोकतान्त्रिक बहस गरेको स्पष्ट पारे ।
दाहालले सम्मेलनबाट संगठनलाई विभक्त नगरी एकताबद्ध भएर नयाँ रणनीति र नेतृत्व लिएर फर्कन विद्यार्थीहरुलाई आहृवान गरे । कार्यक्रममा उपाध्यक्षद्वय मोहन वैद्य, बाबुराम भट्टराईलगायतका नेता सहभागी थिए ।
उदघाटन समारोहमा अनेरास्ववियु अध्यक्ष माधव ढुंगोल, नेविसंघका कार्यवाहक अध्यक्ष गणेशराज विष्टलगायतले अखिल क्रान्तिकारी को १८ औं राष्ट्रिय सम्मेलनको सफलताको शुभकामना दिए ।
पाँच दिनसम्म चल्ने सम्मेलनमा क्रान्तिकारीका ४२ जिल्ला र केन्द्र गरी १ हजार ८ सय १८ प्रतिनिधि तथा पर्यवेक्षक सम्मेलनमा सहभागी हुनेछन् । बन्द सत्र शनिबारबाट सुरु हुने अध्यक्ष लेखनाथ न्यौपानेले जानकारी दिए ।
तीन उम्मेदवार
क्रान्तिकारीको नयाँ नेतृत्वको लागि अध्यक्षमा तीन जना प्रतिस्पर्धी भए पनि औपचारिक रूपमा उम्मेदवारी घोषणा भएको छैन । उपाध्यक्षद्वय युवराज चौलागाईं, रामदीप आचार्य र महासचिव हिमाल शर्माले अध्यक्ष दाबी नछाडेपछि पहिलेकै अध्यक्ष लेखनाथ न्यौपानेलाई दाहोर्‍याउने सम्भावना छ ।
न्यौपानेले सात वर्षदेखि विद्यार्थी संगठनको नेतृत्व गर्दै आएकाले पुनः  इच्छुक नभए पनि पार्टीले जिम्मा दिएपछि नहट्ने बताइसकेका छन् । स्रोतका अनुसार चौलागाईं दाहाल पक्ष, आचार्य उपाध्यक्ष मोहन वैद्य र शर्मा अर्का उपाध्यक्ष बाबुराम भट्टराई पक्ष हुन् ।  प्रकाशित मिति: २०६७ मंसिर २४ ०३:४२

Recent Posts

Loading...
दैनिक
रेडियो/ टेलिभिजन कान्तिपुर एफ. एम. बीबीसी नेपाली सेवा चाइना रेडियो रेडियो दोभान रेडियो नेपाल रेडियो सगरमाथा हिट्स एफ. एम. सगरमाथा टेलिभिजन एभिन्यूज टिभी हिमाली स्वरहरू व्रिटिस गोर्खा रेडियो उज्यालो राष्ट्रिय नेटवर्क एसबीएस रेडियो - नेपाल एबीसी समाचार

साप्ताहिक
अन्य उपयोगी वेबसाईटहरू नेपाल अमेरिका पत्रकार संघ मेरो संसार शब्दाङकुर साहित्यीक समकालीन साहित्य खसखस कमिटी टु प्रोटेक्ट जर्नालिष्टस् गोरखा न्यूज सेब्स साझा.कम काठमाण्डू न्यूजलाईन नेपाली साहित्य मञ्च नेपाल होराईजन्स साँझको समाचार नेपाली न्यूज यूएसए हालखबर अनलाईन अनलाईन खबर प्रेस नेपाल नेपाली कला साहित्य डिसी नेपाल दौंतरी फुलबारी

मेरो कन्ट्रोल प्यानल

New Post | Settings | Template Designer | Design | Edit HTML | Fonts and Colors | Moderate Comments | Sign Out