खानहरुको वर्ष (फोटो फिचर)

सन् २०११ बलिउका लागि महत्वपूर्ण वर्षका रुपमा लिइएको छ । यो वष यस्ता फिल्महरुको रिलिज हुँदै छन्, जसको विषयमा लामो समयदेखि चर्चा भैरहेको छ । बलिउडका निर्माता निर्देशकहरुले एकपटक फेरी खान बन्धुहरु माथि भरोसा राखेका छन् । त्यो पनि यति ठूलो कि खानबन्धुहरुका लागि एक/दुई होइन पुरै चार सय करोड भारतीय रुपैयाँ लगाएका छन् । खासगरी पछिल्ला केही वर्षदेखि बलिउडले खानबन्धुका लागि यति धेरै प्यार दिएको छ कि त्यस्ता माया पाउनका लागि बलिउडका सबै साना ठूला कलाकारहरु कसरत गरिरहेका छन् । सलमान, अमिर र शाहरुखको फिल्मले गएको वर्ष बक्स अफिसमा ठूलै धमाल मचाएको थियो ।

जानकार र ट्रेड विश्लेषकहरुको भनाईलाई आधार मान्ने हो भने २०११ सालमा बलिउड फिल्मी उद्योग दुई हजार करोड भारतीय रुपैयाँको छ र यसमा खानहरु माथि नै चार सय करोडको दाउ लागेको छ । दर्शकले सबैभन्दा बढी पर्खेको फिल्म हो, शाहरुख खानको रा-वन । यो फिल्ममा शाहरुख एउटा सुपरहिरोको रुपमा देखिंदै छन् । फिल्ममा प्रयोग गरिएको स्पेशल इफेक्ट्सका लागि अहिलेदेखि नै चर्चा सुरु भएको छ । शाहरुख खानको अलावा यो फिल्ममा करिना कपुर र अर्जुन रामपालले पनि अभिनय गरेका छन् । यो फिल्म दिपावलीका आसपासमा रिलिज गर्ने तयारी भैरहेको छ भने यो फिल्म शाहरुख खानको फिल्म निर्माण कम्पनी रेड चिल्लिजले तयार पारेको हो । यस बाहेक शाहरुख खानको २०११ का लागि अर्को फिल्म हुनेछ, डन-२ । यो फिल्म फरहान अख्तरको सिक्वेल हो । यसलाई पनि दर्शकले राम्रैसँग पर्खेका छन् ।
उता बलिउडमा नयाँ-नयाँ प्रयोग गर्न रुचाउने अमिर खान पनि यो पल्ट अलग अवतारमा देखिने छन् । यो वर्ष उन्का दुई फिल्म आउने छन्, पहिलो फिल्म धोविघाट जनवरीमा रिलिज हुनेछ । अमिरकी श्रीमती किरण रावले निर्देशन गरेको यो फिल्ममा अमिरले पनि अभिनय गरेका छन् । अमिरले अभिनयका अलवा यो फिल्ममा श्रीमती रावलाई विभिन्न काममा पनि सहयोग गर्दै आएका छन् । त्यसबाहेक उनी रिमा काटगीको सस्पेन्स थि्रलरका लागि पनि साइन गरेका छन् । अमिर खानको उपस्थितिले बलिउडमा फेरी नयाँ प्रयोग देख्न पाइने विश्लेषण बजारको छ ।

अमिर खान यो फिल्मको सहयाक निर्माता पनि हुन । वितेका तीन वर्षमा अमिर खानले हिट फिल्म दिएका छन । हरेक फिल्मले पछिल्लो वर्ष बनाएको रेकर्ड पनि ब्रेक गर्ने गरेको छ । २००७ मा अमिर खानको तारे जमिन पर, २००८ मा गजनी र २००९ मा थि्र इडियट्स प्रदर्शन भएको थियो । यी तिनवटै फिल्म क्रिसमसका अवसरमा रिलिज भएका थिए । यो साल पनि अमिर खानको सस्पेन्स थि्रलर फिल्म क्रिसमसको आसपासमा रिलिज हुने सम्भावना छ ।
सन् २०१० का लागि सबैभन्दा चर्चामा रहेका खान हुन्, सलमान खान, जसलाई चलचत्रि दवंगबाट दवंग खान पनि भन्न थालिएको छ । बलिउडका निर्माता निर्देशकहरुले सन् २०१० मा हिट फिल्म दिएका सलमान खानबाट सन् २०११ मा पनि ठूलो अपेक्षा गरेका छन । यो वर्ष सलमान खानको फिल्म माई लव स्टोरी आउँदै छ । महिलामा निक्कै लोकपि्रय सलमान खानको यो फिल्मकै नामले पनि फिल्म हल भरिने सम्भावना छ । यो फिल्म इदको अवसरमा रिलिज हुने सम्भावना देखिएको छ । फिल्म माई लव स्टोरीमा सलमान खानसँग करिना कपुर छन् । करिनाभन्दा पहिला यो फिल्ममा सलमान खानकी असली प्रेमिका कैटरिना कैफलाई प्रस्ताव गरिएको थियो तर फिल्मका लागि डेट नमिले पछि करिनालाई अफर गरिएको हो । यो फिल्मले दवंगको रेकर्डलाई कायमै राख्ने सम्भावना बलिउडमा छ ।
त्यसबाहेक सलमान खानको अर्को चलचित्र रेडि पनि सन् २०११ मा प्रदर्शन हुने छ । यो फिल्म दवंग जस्तै मसला फिल्म हो । चलचित्र रेडीमा सलमानको जोडीका रुपमा दक्षिणकी नायिका आसिन छन् । यी तीन खानको अलावा बलिउडमा छोटे नवाफ भनेर चिनिने सैफ अलि खान पनि एजेंट विनोद लिएर आउँदै छन् । एजेंट विनोदमा सैफको साथमा प्रेमिका करिना कपुरले अभिनय गरेकी छन् ।
त्यसबाहेक इमरान खान पनि यो वर्ष दुईवटा ठूलो नाम चलेका व्यानरसँग फिल्ममा उत्रिएका छन । इमरान यशराज फिल्मको मेरे ब्रदरकी दुल्हनमा कैटरिना कैफसँग देखिंदै छन् । यसको अलावा इमारान करण जौहरको फिल्म शर्ट टम शादीमा नायिका करिना कपुरसँग देखिंदै छन् । प्रष्ट छ, सन् २०११ खानको नाममा हुनेछ । अब यी सबै खानका लागि लगाइएको यति ठूलो लगानीले कति कमाउने हो ? त्यसका लागि पुरै वर्षको प्रतिक्षा गर्नुबाहेक अर्को उपाय छैन ।

Recent Posts

Loading...
दैनिक
रेडियो/ टेलिभिजन कान्तिपुर एफ. एम. बीबीसी नेपाली सेवा चाइना रेडियो रेडियो दोभान रेडियो नेपाल रेडियो सगरमाथा हिट्स एफ. एम. सगरमाथा टेलिभिजन एभिन्यूज टिभी हिमाली स्वरहरू व्रिटिस गोर्खा रेडियो उज्यालो राष्ट्रिय नेटवर्क एसबीएस रेडियो - नेपाल एबीसी समाचार

साप्ताहिक
अन्य उपयोगी वेबसाईटहरू नेपाल अमेरिका पत्रकार संघ मेरो संसार शब्दाङकुर साहित्यीक समकालीन साहित्य खसखस कमिटी टु प्रोटेक्ट जर्नालिष्टस् गोरखा न्यूज सेब्स साझा.कम काठमाण्डू न्यूजलाईन नेपाली साहित्य मञ्च नेपाल होराईजन्स साँझको समाचार नेपाली न्यूज यूएसए हालखबर अनलाईन अनलाईन खबर प्रेस नेपाल नेपाली कला साहित्य डिसी नेपाल दौंतरी फुलबारी

मेरो कन्ट्रोल प्यानल

New Post | Settings | Template Designer | Design | Edit HTML | Fonts and Colors | Moderate Comments | Sign Out