बलिउड नायकहरूको लेखाजोखा

सलमान खान
(दबंग तथा वीर)
सलमान खान बूढो भयो, सलमान खानको समय बित्यो भन्नेहरूलाई 'दबंग' को सफलताले कडा जवाफ दिएको छ । चुलबुल पाण्डेका रूपमा उनले यस्तो दबंगता ( निडरता) देखाए कि दर्शकहरू पुनः उनका प्रशंसक बने । 'दबंग' जस्तो चलचित्रलाई सलमान खानले मात्र चलाउन सक्छन् भन्ने कुरा पनि प्रमाणित भयो ।
'वीर' को  असफलताले सलमानलाई केही चोट पनि पर्‍यो, किनभने यो चलचित्रको कथा उनैले लेखेका हुन् । त्यसो त उनले थप केही चलचित्रमा स-साना भूमिका पनि निर्वाह गरे ।  सलमान बिग बोसका रूपमा सानो पर्दामा पनि छाइरहे । समग्रमा सलमानलाई वर्ष २०१० फाप्यो ।

अक्षय कुमार 
 (हाउसफुल, खट्टा मीठा, एक्सन रिप्ले तथा तीस मार खाँ)

अघिल्लो वर्षदेखि असफल हुन थालेका अक्षय कुमारले त्यो क्रमलाई वर्ष २०१० मा पनि जारी राखे । उनले अभिनय गरेको चलचित्र खट्टा मीठाले दर्शकलाई तीतो स्वाद  दियो भने एक्सन रिप्लेलाई दर्शकले फास्ट फरवार्ड गरिदिए । हाउसफुलको सफलता पनि चित्तबुझ्दो भएन । वर्षको अन्त्यमा प्रदर्शनमा आएको तीस मार खाँ बाट भने उनी आशावादी छन् ।

  शाहरूख खान 
 (दुल्हा मिल गया, माई नेम इज खान)

'माई नेम इज खान' ले देश-विदेशमा सफलताको झन्डा गाड्दै किङ खानको साम्राज्यलाई कायम राख्यो । त्यसो त उनी अन्य नायकभन्दा धेरै पछाडि छैनन् ।  अभिनयबाहेकका प्रसंगमा बढी व्यस्त भएर होला, शाहरुखले चलचित्रलाई पर्याप्त समय दिन पाएका छैनन् । २०११ उनका लागि निकै महत्वपूर्ण हुनेछ, किनभने यो वर्ष  उनका 'र-वन' तथा 'डन टु' जस्ता ठूला चलचित्र प्रदर्शन हुँदैछन् ।

अमिताभ बच्चन

(रण तथा तीन पत्ती)

रण तथा तीन पत्ती हेरिसकेपछि दर्शकहरूले नै सोध्न थालेका छन्, आखिर अमिताभले यस्ता चलचित्रमा किन अभिनय गर्नुपर्‍यो ? 'कौन बनेगा करोडपति' मार्फत अमिताभ सानो पर्दामा छाउनुलाई चाहिं सकारात्मक नै मान्नुपर्छ । विज्ञापन, ब्लग तथा टि्वीटरमार्फत उनले आफूलाई चर्चामा राखिरहे ।

रणवीर कपुर

(राजनीति, अंजाना अंजानी)

भविष्यका सुपरस्टार रणवीर कपुरले 'राजनीति' मा आफ्नो छविभन्दा पृथक् भूमिका निर्वाह गरे । थुप्रै कलाकारको भीडमा उनी आफ्नो उपस्थिति दर्साउन सफल भए ।  अन्जाना अन्जानी असफल भएकोमा उनलाई दुःख छ, तर यो चलचित्र नै यति बढी नराम्रो थियो कि चार जना रणवीरले पनि त्यसलाई बचाउन सक्दैनथे ।

अभिषेक बच्चन

(रावण तथा खेलें हम जी जान से)

यसअघि मुख खोल्न नसकेकाहरूले यसपटक सोझै भनिदिए, यदि जुनियर बच्चन अमिताभका छोरा नभएका भए चलचित्र उद्योगबाट धेरै अघि नै रिटायर भैसक्थे । हुन पनि उनका चलचित्र नराम्रोसँग फ्लप भए । 'रावण' लाई न त मणिरत्नमले बचाए न त ऐश्वर्याले नै । 'खेलें हम जी जान से' लाई त पहिलो हप्ता बिताउनै गाह्रो पर्‍यो ।

जोन अब्राहम

(आशाएँ तथा झूठा ही सही)

यी दुवै चलचित्र चलेनन् । जोनले आफ्नो इमेज सुपरस्टारको झैं बनाए पनि वास्तविकता अर्कै भयो । आशाएँ तथा झूठा ही सहीका निर्माताहरूसँग सोध्ने हो भने  उनीहरूले जोनको वास्तविकता बताइदिन्छन् । आशाएँ निराशामा बदलियो भने झूठा ही सहीले जोनको स्टारडमको वास्तविक तस्बिर पेस गर्‍यो ।

अजय देवगन

(तीन पत्ती, अतिथि तुम कब जाओगे, राजनीति, वन्स अपन ए टाइम इन मुम्बई, आक्रोश, गोलमाल-३, टूनपुर का सुपरहीरो)

निःसन्देह अजय देवगण वर्ष २०१० का सुपरस्टार हुन् । भिन्न चलचित्रमा भिन्न-भिन्न भूमिका निर्वाह गरेर एकातिर उनले आफ्नो अभिनय क्षमता सावित गरेका छन् भने अर्कातिर यी चलचित्रको सफलताले उनलाई क्षमतावान स्टार बनाइदिएको छ । गोलमाल-३ तथा अतिथि तुम कब जाओगेमार्फत उनले दर्शकलाई हँसाएका छन् भने राजनीतिमा उनी कुशल राजनीतिक खेलाडी सावित भएका छन् । वन्स अपन ए टाइम इन मुम्बई मा हाजी मस्तानको चरित्रलाई उनले जीवन्त बनाएका छन् । अजय  प्रचार-प्रसारबिना नै आफ्नो सफलताको झन्डा गाड्न सफल भएका छन् ।

शाहिद कपुर

(चान्स पे डान्स, पाठशाला, बदमाश कम्पनी, मिलेंगे-मिलेंगे)

अघिल्लो वर्ष 'कमीनापन' देखाउने शाहिद कपुर यो वर्ष खासै चर्चामा आएनन् । उनी अध्यापक बने, डान्स सिकाए, बदमास बनेर कम्पनी चलाए र मिलेंगे--मिलेंगेमा पूर्व  प्रेमिका करीनासँग कम्मर मर्काए तर नतिजा राम्रो आएन । डराएर उनले बुवा पंकज कपुरको औंला समाए, जो अहिले शाहिदलाई लिएर 'मौसम' बनाइरहेका छन् ।

ऋतिक रोशन

(काइट्स तथा गुजारिस)

काइट्सको धागो यसरी काटियो कि ऋतिक अहिले पनि राम्रोसँग निदाउन सकेका छैनन् । जुन चलचित्रका लागि उनले आफ्नो सबै कुरा दाउमा लगाएका थिए, त्यही  चलचित्र असफल हुन्छ भन्ने उनले सोचेकै थिएनन् । 'गुजारिस' मा उनले राम्रो अभिनय गरेका छन्, प्रशंसा पनि पाए, तर ऋतिकलाई त्यती बेला खुसी मिल्थ्यो जब यो चलचित्र सफल हुन्थ्यो ।

नील नितिन मुकेश

(लफंगे परिंदे तथा तेरा क्या होगा जोनी)

लफंगा बनेर सफलताको स्वाद चाख्ने नीलको सपना चकनाचुर भयो । नीलमा अझै पनि प्रशस्त संभावना देखिन्छ, तर आवश्यकता छ एउटा सफल चलचित्रको, जुन वर्ष २०११ मा मिल्छ कि ?

इमरान हाशमी

(वन्स अपन ए टाइम इन मुम्बई, क्रूकः इट्स गुड टू बी ब्याड )

वन्स अपन ए टाइम इन मुम्बईको सफलतामार्फत इमरानले के कुरा प्रमाणित गरेका छन् भने उनी भट्ट दाजुभाइबिना पनि राम्रो अभिनय गर्न सक्छन्  र सफल पनि हुन्छन् । 'क्रुक’ मा उनले पुरानै ढर्रा देखाए, चुम्बनको आदान-प्रदान गरे तर दर्शकले त्यसलाई नकार्दै के सन्देश दिए भने अब यी सबै कुरा पुराना भैसकेका छन् ।

Recent Posts

Loading...
दैनिक
रेडियो/ टेलिभिजन कान्तिपुर एफ. एम. बीबीसी नेपाली सेवा चाइना रेडियो रेडियो दोभान रेडियो नेपाल रेडियो सगरमाथा हिट्स एफ. एम. सगरमाथा टेलिभिजन एभिन्यूज टिभी हिमाली स्वरहरू व्रिटिस गोर्खा रेडियो उज्यालो राष्ट्रिय नेटवर्क एसबीएस रेडियो - नेपाल एबीसी समाचार

साप्ताहिक
अन्य उपयोगी वेबसाईटहरू नेपाल अमेरिका पत्रकार संघ मेरो संसार शब्दाङकुर साहित्यीक समकालीन साहित्य खसखस कमिटी टु प्रोटेक्ट जर्नालिष्टस् गोरखा न्यूज सेब्स साझा.कम काठमाण्डू न्यूजलाईन नेपाली साहित्य मञ्च नेपाल होराईजन्स साँझको समाचार नेपाली न्यूज यूएसए हालखबर अनलाईन अनलाईन खबर प्रेस नेपाल नेपाली कला साहित्य डिसी नेपाल दौंतरी फुलबारी

मेरो कन्ट्रोल प्यानल

New Post | Settings | Template Designer | Design | Edit HTML | Fonts and Colors | Moderate Comments | Sign Out