प्रेम प्रस्ताव राख्नेहरु छैनन्

नेपाली सिनेबृत्तकी राम्री नायिकामा पर्छिन उनी । दर्जनौ टेलिफिल्म खेलेकी उनी आधा दशक अघि सानो पर्दाकी नम्बर एक नायिकाको उपाधिधारी थिईन् । त्यही सानो पर्दाबाट तीन वर्ष अघि ठुलो पर्दामा फड्को मारेकी यी नायिका हुन सौजन्य सुब्बा । मंगोलीयन समुदायकी भएर पनि आर्यन जस्ती देखिन्छिन उनी । यो नै उनको सबल पक्ष हो ।५४ केजीबाट जिरो साईजमा झेरकी यी नायिका यतीबेला ४४ केजीकी छिन्, 'यो सबै दैनिक ब्यायाम र सन्तुलित भोजनको नतिजा हो ।' सौजन्यले जिरो साईज फिगरको रहस्योघाटन गरिन् ।
गत वर्ष रिलिज भएको फिल्म 'टक्कर दुई मुटुको' सर्वाधिक सफल भयो ।
जसमा उनले एकल नायिकाको भूमिका निर्वाह गरेकी थिईन् । त्यसपछि सौजन्यले निरन्तर फिल्ममा 'सोलो रोल' निर्वाह गर्न थालेकी छिन् । उनीद्धारा अभिनित 'स्वाभिमान' (काठमाडौंमा मात्र) जय होस्, म छु नी तिम्रो, मातृभूमि जस्ता सिनेमा प्रदर्शनको तयारीमा छन् । यी सिनेमा रिलिज भएपछि नेपाली सिनेबृत्तमा आफु जम्ने बिश्वास छ यी सुब्बालाई ।
घरायसी कामले केही समय ब्यस्त भएकी सौजन्यको एक जना निर्माता/नायकसँग बिवाह भयो भनेर हालै ब्यापक हल्ला चल्यो । हामीले सोधेका थियौं- के तपाईको बिबाह भइसक्यो ? 'खै कुन पत्रिकाले छापेछ, सुटुक्क विवाह गरिस भनेर साथीहरुको फोन आउँदा म पनि छक्क परें । आफुलाई थाहा नभएको यो कस्तो विवाह हो ?' सुब्बाले भनिन् ।यसो भन्दैमा उनलाई विवाहको प्रस्ताव नआएको भने हैन । 'उमेर बढ्दै छ, त्यसैले तिमीले अब विवाह गर्नुपर्छ भनेर आफैंसँग विवाह गर्नका लागि फकाउनेहरु धेरै छन् । त्यसरी फकाउँदा मलाई दया गर्न लागेको जस्तो लाग्छ ।'- सुब्बा भन्छिन ।
यौनको बारे कम बोल्न रुचाउने यी नायिका भन्छिन-'सेक्स धेरै नै सोधखोज गर्ने चिज हैन, यो त प्रकृतिले दिएको बस्तु हो । सेक्समा जति ध्यान दियो त्यति नै यसले सताउँछ, त्यसैले म सेक्सको बारेमा सोच्दिन ।'जीवनलाई भगवानको देन मान्ने सौजन्यलाई सोह्र वर्षकी हुँदा जीवन साह्रै छोटो छ जस्तो लग्थ्यो । तर आजकाल जीवन झन झन लामो लाग्न थालेको छ, 'जीवन निकै लामो र पीडादायी बनेको महसुस हुन थालेको छ । सायद हरेक दिन बाँच्नको लागि सँघर्ष गर्नु परेर होला ।' जीवनबाट थाकेको यात्री झैं निकै गम्भिर भावमा उनले भनिन् ।
विवाहको सोझै प्रस्ताव राख्नेहरु प्रसस्त भएपनि प्रेम प्रस्ताव राख्नेहरु छैनन भन्छिन यी नायिका । ' म ब्यस्त भएर प्रेम प्रस्ताव राख्नेहरुलाई वातावरण नमिलेको पनि हुन सक्छ ।' यसो भन्दै मुस्कुराउँदा सौजन्यको गालामा लाजको लाली प्रस्ट झल्किन्थ्यो ।

Recent Posts

Loading...
दैनिक
रेडियो/ टेलिभिजन कान्तिपुर एफ. एम. बीबीसी नेपाली सेवा चाइना रेडियो रेडियो दोभान रेडियो नेपाल रेडियो सगरमाथा हिट्स एफ. एम. सगरमाथा टेलिभिजन एभिन्यूज टिभी हिमाली स्वरहरू व्रिटिस गोर्खा रेडियो उज्यालो राष्ट्रिय नेटवर्क एसबीएस रेडियो - नेपाल एबीसी समाचार

साप्ताहिक
अन्य उपयोगी वेबसाईटहरू नेपाल अमेरिका पत्रकार संघ मेरो संसार शब्दाङकुर साहित्यीक समकालीन साहित्य खसखस कमिटी टु प्रोटेक्ट जर्नालिष्टस् गोरखा न्यूज सेब्स साझा.कम काठमाण्डू न्यूजलाईन नेपाली साहित्य मञ्च नेपाल होराईजन्स साँझको समाचार नेपाली न्यूज यूएसए हालखबर अनलाईन अनलाईन खबर प्रेस नेपाल नेपाली कला साहित्य डिसी नेपाल दौंतरी फुलबारी

मेरो कन्ट्रोल प्यानल

New Post | Settings | Template Designer | Design | Edit HTML | Fonts and Colors | Moderate Comments | Sign Out