शाहरुख-गौरी सम्बन्ध चिसियो

बलिउडमा किङ खानको सम्मान पाएका नायक शाहरुख खान कलाकारिता जति सफल छन्, सहकर्मीमा पनि उत्तिकै लोकपि्रय । उनी कसैको कुभलो गर्दैनन् र ठूलो हुनुको घमण्ड पनि गर्दैनन् । अझ शाहरुख घरमा पनि सक्षम छन् । अर्थात् कुशल पति हुन् । बलिउडमा आदर्श जोडीका रूपमा सबैले आदर गर्ने शाहरुख-गौरीको दाम्पत्य जीवनमा समेत चिसोपना आएको समाचार बाहिर आएका छन् । 'आगो नबली धुवाँ आउँदैन' भन्ने मान्यता राख्ने समाजमा शाहरुखलाई कसले आगो लगायो त ?
'प्रियंका चोपडाले,' स्रोतको दाबी छ । नायक साहिद कपुरसँगको प्रेमसम्बन्ध टुक्रेपछि एक्लो जीवन बिताइरहेकी नायिका प्रियंका पछिल्लो पटक शाहरुखसँग 'डन २' फिल्ममा काम गरेकी थिइन्, जुन फिल्म सफल पनि बन्यो ।
२० वर्षे वैवाहिक जीवनमा अहिलेसम्म परस्त्रीसँग नाम नजोडिएका भलादमी शाहरुखलाई काली सुन्दरी प्रियंकाले भने 'कुछ कुछ' बनाएको अनुमान गरिएको छ । यी सबै हल्ला बाहिर आउनुमा भने गौरीकी नजिककी साथी नीलम कोठारी रहेको बुझिएको छ ।
कोठारीले नै सञ्चारमाध्यमलाई प्रियंका शाहरुखको पछि लागेको दाबीसहितको समाचार दिएकी थिइन् । यति मात्रै कहाँ हो र ? उनले त आफू प्रियंकासँग झगडा नै गर्न गएको पनि बताएकी छन् । तर हल्ला बढ्दै गएपछि भने पूर्वनायिका कोठारीले आफ्नो ब्लगमा उक्त कुरालाई मान्न तयार भएकी छैनन् । 'थाहा छैन, आज सार्वजनिक भएका समाचार (शाहरुख-गौरी सम्बन्ध संकट) बारे कसरी प्रतिक्रिया दिऊ । जब कि उक्त हल्ला मैले चलाएको बताइएको छ,' कोठारीले आफ्नो टि्वटर पेजमा उल्लेख गरेकी छन्, 'म दुःखी र आश्चर्यचकित भएकी छु । लाग्छ, मेरो पूरा जीवनमै यस्तो कन्ट्रोभर्सी सायदै कहिल्यै आउला ।' उनले शाहरुख र गौरी आफ्ना नजिकका साथी भएको बताए पनि पछिल्लो सम्बन्धका बारेमा भने केही टिप्पणी गरेकी छैनन् ।
कोठारीले आफूले पि्रयंकासँग झगडा गरेको पनि झूट भएको बताइन् । तर शाहरुख र गौरीले भने आफ्नाबारे फैलिएका पछिल्ला समाचारमा केही बोलेका छैनन् । न त प्रियंकाले नै ।

Recent Posts

Loading...
दैनिक
रेडियो/ टेलिभिजन कान्तिपुर एफ. एम. बीबीसी नेपाली सेवा चाइना रेडियो रेडियो दोभान रेडियो नेपाल रेडियो सगरमाथा हिट्स एफ. एम. सगरमाथा टेलिभिजन एभिन्यूज टिभी हिमाली स्वरहरू व्रिटिस गोर्खा रेडियो उज्यालो राष्ट्रिय नेटवर्क एसबीएस रेडियो - नेपाल एबीसी समाचार

साप्ताहिक
अन्य उपयोगी वेबसाईटहरू नेपाल अमेरिका पत्रकार संघ मेरो संसार शब्दाङकुर साहित्यीक समकालीन साहित्य खसखस कमिटी टु प्रोटेक्ट जर्नालिष्टस् गोरखा न्यूज सेब्स साझा.कम काठमाण्डू न्यूजलाईन नेपाली साहित्य मञ्च नेपाल होराईजन्स साँझको समाचार नेपाली न्यूज यूएसए हालखबर अनलाईन अनलाईन खबर प्रेस नेपाल नेपाली कला साहित्य डिसी नेपाल दौंतरी फुलबारी

मेरो कन्ट्रोल प्यानल

New Post | Settings | Template Designer | Design | Edit HTML | Fonts and Colors | Moderate Comments | Sign Out