फेरि धकधक ?

मुम्बई , चैत्र १३ - यति बेला बलिउडमा स्टोरी टे्रन्ड बदलिँदै छ । नायकको अघिपछि नाच्दै हिँड्ने नायिकाहरू पछिल्लो समय दरिला हुँदै गएका छन् । महिला पात्रलाई मुख्य बनाएर पनि फिल्म सफल हुन सक्छ भन्ने उदाहरण 'द डर्टी पिक्चर', 'कहानी' ले दिए ।
विद्या बालनले आफ्ना समकक्षी नायिकालाई समेत पाठ सिकाइदिइन्, ग्ल्यामरले नायिका त बनिन्छ तर सफल अभिनेत्री बन्न दमदार अभिनय पनि चाहिन्छ ।
सन् २००७ मा 'आजा नचले' भने पनि कसैलाई नचाउन नसकेपछि फिल्मबाट ओझेल परेकी माधुरी दीक्षितले पनि अब नारीप्रधान फिल्ममा खेल्न चासो देखाएकी छन् । कुनै समय आफूलाई आदर्श मान्ने विद्याकै कलाकारिताले माधुरीलाई पनि गम्भीर भूमिकामा देखिन मन लागेको हो । पाँच वर्षपछि माधुरी 'डेढ इस्किया' बाट पुनः अभिनयमा फर्किएकी छन् । विशाल भारद्वाजको उक्त फिल्म 'इस्किया' को रिमेक बताइएको छ । लामो समय उपयुक्त स्क्रिप्टको पर्खाइमा रहेकी माधुरीले बीचमा आमा वा सासु, दिदी जस्ता भूमिकाको प्रस्ताव अस्वीकार गर्दै आएकी थिइन् । 'फ्रिकी फ्राइडे' मा सोनाम कपुरकी आमा हुन इन्कार गरेकी थिइन् । उमेरले ४४ पुगे पनि अझै चल्तीका नायिकाभन्दा कम छैनन् ।

त्यसको गतिलो प्रमाण 'डेढ इस्किया' लाई पनि लिन सकिन्छ । यसमा उनले पाँच करोड भारु पाएको चर्चा छ । यो करिना कपुर, कटि्रना कैफ वा विद्याले पाउँदै आएको भन्दा पनि बढी हो । हुन पनि माधुरी २३ वर्षे करिअरमा उत्कृष्ट अभिनेत्रीका चार र सह- अभिनेत्रीको एउटा फिल्म फेयर अवार्ड जितिसकेकी छन् ।

कुनै बेला 'धकधक करने लगा...' जस्ता गीतमा कामुक नाचबाट दर्शकहरूलाई उफार्न सफल माधुरीले यो उमेरमा कत्तिको उन्माद फैलाउने हुन्, समयले बताउला ।

Recent Posts

Loading...
दैनिक
रेडियो/ टेलिभिजन कान्तिपुर एफ. एम. बीबीसी नेपाली सेवा चाइना रेडियो रेडियो दोभान रेडियो नेपाल रेडियो सगरमाथा हिट्स एफ. एम. सगरमाथा टेलिभिजन एभिन्यूज टिभी हिमाली स्वरहरू व्रिटिस गोर्खा रेडियो उज्यालो राष्ट्रिय नेटवर्क एसबीएस रेडियो - नेपाल एबीसी समाचार

साप्ताहिक
अन्य उपयोगी वेबसाईटहरू नेपाल अमेरिका पत्रकार संघ मेरो संसार शब्दाङकुर साहित्यीक समकालीन साहित्य खसखस कमिटी टु प्रोटेक्ट जर्नालिष्टस् गोरखा न्यूज सेब्स साझा.कम काठमाण्डू न्यूजलाईन नेपाली साहित्य मञ्च नेपाल होराईजन्स साँझको समाचार नेपाली न्यूज यूएसए हालखबर अनलाईन अनलाईन खबर प्रेस नेपाल नेपाली कला साहित्य डिसी नेपाल दौंतरी फुलबारी

मेरो कन्ट्रोल प्यानल

New Post | Settings | Template Designer | Design | Edit HTML | Fonts and Colors | Moderate Comments | Sign Out