सामाजिक सञ्जाल, असामाजिक काम

काठमाडौ, जेष्ठ २७ - हिजोआज नेपालमा सामाजिक सञ्जाल 'फेसबुक'मा रमाउनेहरूको संख्या बढ्दो छ । सबै वर्ग र उमेर समूहका व्यक्ति फेसबुकमा अकाउन्ट खोलेर सूचना आदान-प्रदान गरिरहेका हुन्छन् । हुन पनि फेसबुकमा अकाउन्ट खोलेपछि धेरै पुरानो र टाढाका साथीहरूसँग भेट त हुन्छ नै । साथै फेसबुकका माध्यमबाट एकैचोटी धेरै जनाकहाँ छिटो सूचना र आफ्ना विचार बाँड्न सकिन्छ । यसले गर्दा फेसबुकले सबैलाई लोभ्याएको हुनसक्छ । तर नेपालमा केही युवायुवतीले भने फेसबुकको दुरुपयोग गर्ने गरेका छन् । अझ महिलालाई नकारात्मक सन्देश प्रवाह गरी निरुत्साहित पार्ने गरेका छन् ।

काठमाडांैको एक प्रतिष्ठित कलेजमा कक्षा १२ मा पढ्ने श्रुति सिटौलालाई (नाम परिवर्तन) उसकै कलेजमा पढ्ने विनायक (नाम परिवर्तन) ले शरीरका सबैजसो भाग नांगै देखिने एउटा फोटोमा श्रुति र विनायकको अनुहार जोडेर विनायकले फेसबुकमा राखी पोष्ट गरेछन् ।
फोटोमा एकले अर्कालाई चुम्बन गरेको प्रष्ट देख्न सकिन्छ । फोटोसँगै विनायकले मेसेज के लेखेछन् भने 'डु यु नो ? हु इज दिस ? श्रुति लभ्स मी, द पिक्चर क्लियर इट' । यस किसिमको फोटो र मेसेज विनायकले फेसबुकमा हालेपछि कलेजमा र उनको टोलमा हंगामा नै मच्चियो । कलेजका साथीहरूले श्रुतिलाई नराम्ररी हेर्न थाले । इष्टमित्र सबैले श्रुतिको चरित्रमाथि प्रश्न उठाए । नराम्रो हौवा फैलिएपछि श्रुति नराम्ररी बिरामी परिन् । तर उनलाई घरका मान्छेले कहिल्यै हतोत्साही गरेनन् । किनभने श्रुतिका बाबुआमा शिक्षित छन् र दुबैले छोरीलाई राम्ररी सम्झाए पनि केही महिनासम्म श्रुति कसैसँग पनि बोलिनन् । टोलाइरहन् र केटा मान्छे देख्ने बित्तिकै भाग्न थालिन् । उनको यो व्यवहार परिवर्तनले परिवारका सबै सदस्य निराश भए । तर श्रुतिका अभिभावक उनलाई सामान्य अवस्थामा ल्याउन सफल भए । अहिले श्रुतिले फेसबुकको अकाउन्ट नै बन्द गरिदिएकी छन् ।

कुरा के भएको रहेछ भने श्रुतिलाई विनायकले निकै मनपराउँदो रहेछ । तर श्रुति भने उसलाई घृणा गर्दिरहिछन् । विनायकले राखेको प्रेम प्रस्तावलाई सोझै अस्विकार गरेका कारण बदला लिन विनायकले यस्तो गलत बाटो अपनाएका रहेछन् ।

प्रेम पछिको विछोड, एकतर्फी प्रेम तथा रिसइबीका कारण फेसबुक, युवक-युवतीमाझ अश्लील सन्देश प्रवाह गर्ने साधन बन्दै गएको छ । महानगरीय प्रहरी अपराध महाशाखामा सातामा दुई वटासम्म फेसबुकका मुद्दा लिएर पीडितहरू ज्ााने गरेका छन् । नक्कली फेसबुक अकाउन्ट बनाएर अश्लील फोटो तथा भिडियो अपलोड गरेर प्रवाह गर्नेको जमात नेपालमा बढ्दो छ । प्रेम हुँदा युवा-युवतीले फोटो आदान-प्रदान गर्ने र बिछोड भएपछि त्यसैलाई माध्यम बनाएर रिसइबी साध्न नक्कली फेसबुक अकाउन्ट बनाएर अश्लील फोटो तथा भिडियो अपलोड गर्ने गरेको पाइएको छ । प्रविधिमार्फत नग्न फोटोमा युवतीको फोटो टाँसेर फेसबुकमा राखिदिने तथा इन्टरनेटबाट अश्लील भिडियो डाउनलोड गरेर अपलोड गर्ने गरेको पाइएको छ । यस प्रकारको ठगी र अपराधबाट बच्न फेसबुकको सदस्य बन्नु अगाडि नै त्यसको गोपनीयता र असुरक्षा नीतिका बारेमा अध्ययन गर्नु अत्यन्त जरुरी छ । महानगरीय प्रहरी अपराध महाशाखामा डेढ वर्षमा फेसबुकसँग सम्वन्धित अश्लील खालका २५ भन्दा बढी उजुरी परेका छन् । महाशाखाले १० जनालाई विद्युतीय अपराध सजाय ऐन अन्तर्गत मुद्दा दायर गरेर कारबाहीसमेत गरिसकेको छ । यद्यपि नेपालमा कम्प्युटर इमर्जेन्सी रेस्पोन्स टिम नहुँदा पनि सामाजिक सञ्जालमार्फत हुने अपराध रोक्न समस्या छ । भारत, बंगलादेश लगायत सार्क मुलुकमा भने (सीआईआरटी) टिमको व्यवस्था गरिएको छ ।

यद्यपि २८ वर्षीय मार्क जुकवर्गले फेसबुकको विकास गरेका हुन् । यिनले विश्वभरका मानिसलाई साझा चौतारा बनाइदिएका छन् । यही चौतारामा भेला भएर विचारहरू आदान-प्रदान र छलफल गर्न सकिन्छ । वर्षौदेखि भेट नभएका आफन्त र साथीहरूलाई भेट्न सकिन्छ । ज्ञान, सूचना र मनोरञ्जन लिन सकिन्छ । कहिल्यै चिन्दै नचिनेका मानिस पनि फेसबुकमा साथी बनेका हुन्छन् । फेसबुककै माध्यमबाट साथीसँग सुखदुःख बाँड्न सकिन्छ । प्रशंसा, बधाई लगायत दुःखका बेलामा संवेदनासमेत दिन सकिन्छ । यति गुणकारी सामाजिक सञ्जालको दुरुपयोग गर्नुभन्दा यसबाट कसरी बढी फाइदा लिन सकिन्छ भन्नेबारे सोच्नु आवश्यक छ ।

Recent Posts

Loading...
दैनिक
रेडियो/ टेलिभिजन कान्तिपुर एफ. एम. बीबीसी नेपाली सेवा चाइना रेडियो रेडियो दोभान रेडियो नेपाल रेडियो सगरमाथा हिट्स एफ. एम. सगरमाथा टेलिभिजन एभिन्यूज टिभी हिमाली स्वरहरू व्रिटिस गोर्खा रेडियो उज्यालो राष्ट्रिय नेटवर्क एसबीएस रेडियो - नेपाल एबीसी समाचार

साप्ताहिक
अन्य उपयोगी वेबसाईटहरू नेपाल अमेरिका पत्रकार संघ मेरो संसार शब्दाङकुर साहित्यीक समकालीन साहित्य खसखस कमिटी टु प्रोटेक्ट जर्नालिष्टस् गोरखा न्यूज सेब्स साझा.कम काठमाण्डू न्यूजलाईन नेपाली साहित्य मञ्च नेपाल होराईजन्स साँझको समाचार नेपाली न्यूज यूएसए हालखबर अनलाईन अनलाईन खबर प्रेस नेपाल नेपाली कला साहित्य डिसी नेपाल दौंतरी फुलबारी

मेरो कन्ट्रोल प्यानल

New Post | Settings | Template Designer | Design | Edit HTML | Fonts and Colors | Moderate Comments | Sign Out