खेल अघि सम्पर्क

काठमाडौ, श्रावण २७ - कुनै खेल प्रतियोगितामा भाग लिनुअघि यौन सम्पर्क गर्दा खेलको गुणस्तर प्रभावित हुन्छ भन्ने मान्यतालाई पछिल्लो अध्ययनले नकारिदिएको छ । मैदानमा छिर्नुअघि खेलाडी सहवासमा सहभागी हुँदा खेलमा कुनै असर पर्दैन ।
क्लिनिकल जर्नल अफ स्पोर्टस् मेडिसिनमा प्रकाशित यो अध्ययन प्रतिवेदन अनुसार, खेल प्रदर्शन हुनुभन्दा एक रातअघि शारीरिक सम्बन्ध राख्नाले शरीरको क्षमतामा कुनै गडबडी आँदैन । यो अनुसन्धानमा १४ पुरुष खेलाडीलाई सामेल गरिएको थियो । उनीहरू सबै विवाहित थिए । ती सबैलाई सम्बन्धित पार्टनरसँग शारीरिक सम्बन्ध राख्न लगाइयो र भोलिपल्ट बिहान उनीहरूको पाखुराको मांसपेशी परीक्षण गरियो । कसैको मांसपेशीमा पनि कुनै असर देखिएन ।

अर्को चोटि उनीहरूलाई ६ दिनसम्म यौनसम्बन्ध राख्न दिइएन । त्यसपछि मांसपेशीको अर्को परीक्षण गरियो । नयाँ परीक्षणमा समेत मांसपेशीको शक्ति वा सहनशीलतामा कुनै विपरीत प्रभाव देखिएन ।
युनिभर्सिटी अफ सरेका एक अनुसन्धाता भन्छन्, 'रातभरि यौनसम्बन्ध राख्ने खेलाडीलाई निद्रा नपुग्नु र आराम नमिल्नु स्वाभाविकै हो । यस्तो भयो भने चाहिँ खेलमा असर पर्छ । नत्र, कम समयका लागि गरिएको यौनसम्बन्ध खेलको प्रदर्शनमा तगारो बन्दैन ।' 
खुकुलो पहिरनले शुक्रकीटको गुणस्तर कस्सिएको अन्डरवेयर वा भित्री पहिरनले शुक्रकीटलाई कमजोर बनाउने रहेछ । बेलायती अनुसन्धाताहरूको एउटा समूहको मान्यता अनुसार, सट्टा खुकुलो भित्री पहिरनले शुक्रकीटको गुणस्तर बढाउँछ ।
बाँझोपना हटाउनका लागि धेरैजसो चिकित्सकहरूले यसअघि शुक्रकीटको गुणस्तर बढाउनुपर्ने र जीवनशैलीमा सकारात्मक परिवर्तन ल्याउनुपर्ने सुझाव दिँदै आएका थिए । अनुसन्धान अनुसार, धूमपान, मद्यपान र मोटोपनले शुक्रकीटको गुणस्तरमा कुनै खास प्रभाव पार्दैन । तथापि यी तीन वस्तुबाट जोगिनु नै स्वास्थ्यका लागि धेरै राम्रो हुन्छ ।
सेफिल्ड र म्यानचेस्टर विश्वविद्यालयका अनुसन्धानकर्ताले ९ सय ३९ यस्ता पुरुषको जीवनशैलीको अध्ययन गरे जसको शुक्रकीटको गुणस्तर राम्रो थिएन । यस्तै, उनीहरुको तुलना १ हजार ३ सय १० यस्ता पुरुषको जीवन शैलीसँग गरियो, जसको शुक्रकीट गुणस्तरीय थियो ।  कहिल्यै धूमपान नगर्ने र एक दिनमा २० खिली चुरोट खाने पुरुषमा पनि सक्रिय शुक्रकीट यथेष्ट मात्रामा पाइयो ।
अनुसन्धाताहरुका अनुसार, कहिलेकाहीँ नशा लिने, मोटोपनाको सिकार व्यक्ति र अत्यधिक रक्सी खानेहरूको शुक्रकीटको गुणस्तरमा नकारात्मक असरको धेरै कम प्रमाण छ । युनिभर्सिटी अफ म्यानचेस्टरका डा. एन्ड्रयु पावेरी भन्छन्, 'सामान्य स्वास्थ्यका लागि जीवनशैलीको धेरै महत्त्व छ । तर पुरुष बाँझोपनामा यसको सायद निकै कम असर पर्छ ।'
शुक्रकीटको गुणस्तरको खुकुलो अन्तर्वस्त्रसँग जोडिएको छ । सेफिल्ड युनिभर्सिटीका डा. एलन पासे सुझाउँछन्, 'कुनै पुरुष वाई आकारको कस्सिएको अन्डरवेयर लगाउनमा सोखिन छन् भने उनीहरूले यो रुचि बदलेकै राम्रो । उनीहरूले बुवा बन्नुभन्दा केही समय अघिदेखि खुकुलो भित्री पहिरन लगाउन थाल्नुपर्छ ।'

Recent Posts

Loading...
दैनिक
रेडियो/ टेलिभिजन कान्तिपुर एफ. एम. बीबीसी नेपाली सेवा चाइना रेडियो रेडियो दोभान रेडियो नेपाल रेडियो सगरमाथा हिट्स एफ. एम. सगरमाथा टेलिभिजन एभिन्यूज टिभी हिमाली स्वरहरू व्रिटिस गोर्खा रेडियो उज्यालो राष्ट्रिय नेटवर्क एसबीएस रेडियो - नेपाल एबीसी समाचार

साप्ताहिक
अन्य उपयोगी वेबसाईटहरू नेपाल अमेरिका पत्रकार संघ मेरो संसार शब्दाङकुर साहित्यीक समकालीन साहित्य खसखस कमिटी टु प्रोटेक्ट जर्नालिष्टस् गोरखा न्यूज सेब्स साझा.कम काठमाण्डू न्यूजलाईन नेपाली साहित्य मञ्च नेपाल होराईजन्स साँझको समाचार नेपाली न्यूज यूएसए हालखबर अनलाईन अनलाईन खबर प्रेस नेपाल नेपाली कला साहित्य डिसी नेपाल दौंतरी फुलबारी

मेरो कन्ट्रोल प्यानल

New Post | Settings | Template Designer | Design | Edit HTML | Fonts and Colors | Moderate Comments | Sign Out